Tesla 今日喺荷蘭嘅Harderwijk開咗佢哋喺歐洲嘅第一個 Tesla V4 Supercharger ，開展咗佢哋最新版嘅充電網絡。
關於充電速度、電纜長度等細節，Tesla官方雖然未有公布，不過今日從網絡上搵倒個新V4 Supercharger嘅訪客，佢就透露咗些少細節，仲有啲係大家一直都想知嘅問題。
充電速度：
Tesla V4 Supercharger 仲係同V3 Supercharger一樣，輸出功率都一樣係250kW。不過，電力嘅改變就大約提升咗30%。
根據面板標籤，V3 Supercharger嘅電流係425安培，而新嘅V4 Supercharger就增加咗31%至615安培。 標籤仲有註明輸出功率係250kW，但電流就由425增加至615。
呢啲改變其實可能係為咗支持更多唔同車廠嘅電壓架構，因為大部分車都會轉為800伏特嘅架構，所以第日V4 Supercharger就可以支援唔止Tesla，仲有其他廠嘅唔同車款嘅快充。
而現時V3 Supercharger嘅400伏特架構就唔支援超過250kW嘅充電速度。
所以呢個可能就係Tesla揀喺歐洲推出V4 Supercharger嘅原因，因為非Tesla嘅Supercharging Pilot Program喺該區已經開展咗好幾年，而喺美國，Tesla就啟用咗非Tesla 電動車使用Supercharger網絡嘅功能。
TESLA V4 Supercharger 充電電纜長度：
而且新Supercharger其中一樣最需要改動嘅嘢，就係要有更長嘅Supercharger充電電纜。因為每個車廠出嘅EV車嘅充電口位置都未必一樣，所以唯有係咁先可以滿足得晒其他EV製造商嘅車主。
喺之前流出嘅V4 Supercharger設計，係暗示佢會做到好似加油站嘅形式去嘗試解決呢個問題，不過最終Tesla都係揀咗延長充電電纜。
我哋睇返V3 Supercharger嘅電纜長度，大約係6到6.5英尺。而今日Harderwijk 嘅 V4 Supercharger，據報佢嘅充電電纜長度約為2.9到3米，大約係9.5到9.8英尺，即係比起之前嘅V3 Supercharger長好多。
總結
所以總結嚟講，今次V4 Supercharger大部份嘅升級改動，都係為咗開放Supercharger網絡畀其他車廠嘅EV而設，對Tesla車主嚟講，其實改變不大。睇嚟香港車主們都要慢慢準備好同其他車廠車主搶Supercharger位喇
資料來源: teslarati
常見問題
問：Tesla V4 Supercharger 同 V3 Supercharger 有乜分別？
答：充電速度不變，只係提升咗背後嘅電壓同電纜長度去支援Tesla以外嘅EV。
問：V4 Supercharger香港有未？
答：首個V4 Supercharger喺荷蘭嘅Harderwijk，美國本土都未有，香港更加未知
